Një hartë tepër e rrallë e pashfaqur më parë ka dalë në dritë së fundmi nga studiuesi Ledjan Zeqollari, në kërkimet e tij në arkivat online ai ka studiuar librin “Kronika e Nurembergut” një botim i vitit 1493.
Sipas Zeqollarit mes 1800 ilustrimeve ekziston edhe një hartë e cila paraqet Shqipërinë e që në atë vit është quajtur ALBANI dhe në këtë hartë është e shkruar me shkronja kapitale të mëdha. Në hartë Shqipëria e atij viti është shtrihet krah me Raguzën, Dubrovnikun e sotëm në Kroaci.
Tepër interesant është fakti se në hartë nuk ekziston as Serbia, Mali i Zi, Bullgaria etj. Nga shkrimi i përdorur në hartë tregon që ALBANI ishte një vend me pozitë mjaft të favorshme sa i përket rolit të saj në atë periudhë.
Deri më tani kjo rezulton harta më e hershme ku përmendet ALBANI, emër ky i vendosur nga të huajt që në periudhën e kryqëzatave, për shkak të fisit të ALBANËVE që ishte fisi kryesor gjatë kësaj periudhe.
Postim i Zeqollarit:
“ALBANIA” në hartën e librit “Kronika e Nurembergut” (Lat. “Liber Chronicarum”), cilësuar si një nga librat më të rëndësishëm në historinë njerëzore, me mbi 1800 ilustrime, duke e bërë kështu libri më i ilustruar i shekullit të XV-të. Publikimi i tij u bë në vitin 1493 nga humanisti gjerman Hartmann Schedel (1440 -1514). Në faqen 308 gjendet një hartë e cila tregon Evropën Veriore dhe Qendrore, e vlerësuar si harta e parë moderne e këtyre rajoneve e cila paraqet territore nga Ishujt Britanikë deri në Konstandinopojë. Në pjesën jugore lexohet emri “ALBANIA”, i cili për hartat e prodhuara në këtë periudhë, është mjaft i rrallë. Projektuesi i saj është Hieronymus Münzer (1437-1508).
Arkivi i Bibliotekës së Kongresit Amerikan
Libri “Nurembeg Chronicarum” cilësohet si një nga libra enciklopedikë më të rëndësishëm të botës
