Kandidatit demokrat në qytetin e Maliqit ka nxjerrë pikat kyçe të programit të tij që kërkon të zbatojë nëse merr postin e kryetarit të bashkisë.
“Programi ynë realist, ambicioz, gjithëpërfshirës, i hartuar me ekspertizë profesionale, vëmendje dhe seriozitet maksimal është garanci e padiskutuar e përkushtimit tim në krye të bashkisë së Maliqit,”– shkruan ai në facebook.
Pikat kyçe ku ai do të bëjë reforma dhe ndryshime janë:
Forcimi i kapaciteteve njerëzore të menaxhimit të bashkisë;
Krijimi i një ekipi profesionistësh të aftë për të hartuar dhe përthithur projekte në kuadër të procesit të integrimit.
Rritja e transparencës dhe përfshirja e publikut në vendimmarrje;
Hartimi i një buxheti në një format të thjeshtë e të lexueshëm për qytetarët.
Bujqësia dhe blegtoria;
Në ndihmë të fermerëve për një zhvillim më të planifikuar të prodhimit bujqësor e blegtoral në zonë si dhe shitjes së tij.
Taksat;
Do të hiqet çdo taksë dhe tarifë për rikonstruksionin e banesave. Të rinjtë që ngrënë një biznes për herë të parë, do të përjashtohen nga të gjitha taksat vendore.
Transporti publik;
Lidhja graduale e fshatrave me qendrat e njësive administrative përkatëse me transport publik. Transport publik falas për fëmijët jetimë apo me një prind.
Furnizimi me ujë dhe rrjeti i kanalizimeve;
Rehabilitimi i të gjithë rrjetit të kanalizimeve të ujërave të zeza dhe të bardha.
Shëndetësia;
Shërbim shëndetësor 24 orësh me mjek në Qendër Maliq dhe Pojan.
Arsimi;
Sigurimi i ngrohjes njësoj për të gjitha shkollat që përfshin bashkia.
