Alqi Karanxha, i biri i mjekut të njohur korçar Llambo Karanxha prej vitit 2000 jeton në Toronto të Kanadasë.
Ka qënë 26 vjeç kur është larguar nga Korça për t’u vendosur në kryeqytetin kanadez, aty ku sot mban plot dinjitet një nga pozicionet më të larta të kompanisë së njohur LCBO, e cila është importuesi me i madh në botë me shitje prej 7.5 miliard dollarë në vit.
Drejtori i marrëdhënieve komerciale në kompaninë prestigjioze është Alqi Karanxha, korçari që në rininë e tij ka dashur të luajë pothuajse në të gjitha sportet për t’u pozicionuar si organizator me ekipin e të rriturve të Skënderbeut në basketboll.
Edhe pas 26 vitesh ai flet pastër dialektin korçar, ka mbetur ai djali i dashur e i qeshur, djali miqësor e social, ai djali që i pëlqen të argëtohet me miqtë e tij korçarë.
Së fundmi, ai është vlerësuar në ceremoninë e ELISE Awards, e cila inkurajon inovacionin, partneritetin dhe katalizon ritmin e ndryshimit.
Vlerësimi më i madh për Karanxhën nuk janë titujt globalë por dashuria dhe miqësia që ende ruan me qytetin e tij, kështu thotë ai, sepse ai ka ditur të qëndrojë një qytetar i mirë.
