Nesër në orën 19:00 në pallatin e sportit “Asllan Rusi” në kryeqytet luhet ndeshja e dytë finale e kampionatit kombëtar të volejbollit për femra.
Takimi i parë i luajtur në Korçë është fituar nga Skënderbeu me rezultatin 3-0 por ndeshja e dytë për të dy trajnerët do jetë krejt ndryshe nga ajo e parë.
Duke u rikthyer tek ndeshja e parë duhet thënë se si Skënderbeu ashtu e Tirana kanë gabuar jo pak në shërbim, në pritjen e topit të parë si dhe në fazën sulmuese.
Tirana ka gabuar 13 herë në shërbim ndërsa Skënderbeu 4 herë më pak, korçaret me Mehmetin në veçanti kanë qenë më mirë në pritjen e topit të parë ndërkohë që Tirana ka gabuar me shumë me Brahja aty ku trajneri Orlando Koja kishte udhëzuar lojtaret ta çonin topin nga shërbimi.
Në pozicionin 4 Vivas nuk ka qenë në ditën e saj me të mirë ashtu siç nuk ka qenë siç duhet në pozicionin 3 as Malaj ndërkohë që në pozicionin 2 Gjata është rikthyer në ditët më të mira.
Nga ana tjetër Brahja nuk ka gabuar vetëm në topin e parë por po kaq gabime ka bërë edhe në pozicionin 4 ndërkohë që Tirana ka qenë diçka më mirë se Skënderbeu në pozicionin 3.
Trajneri Orlando Koja në ndeshjen e parë të fituar u ka kërkuar lojtareve te luajnë me afër rrjetës dhe ndoshta këtu në momente kyçe të lojës ja ka dalë për të fituar 3 setet.
Në ndeshjen e dytë Vivas pritet të jetë ndryshe ashtu siç duket momenti jo i mirë shëndetësor i Persce që ka kaluar tashmë.
Për të gjitha këto Koja e mendon të fituar dhe ndeshjen e dytë edhe për atë sepse sipas tij Skënderbeu ka me tepër pika goditëse në fazën sulmuese sesa Tirana.
Finalet duke qenë të tilla edhe për trajnerin e Skënderbeut kanë ngarkesë emocionale, ai që gabon më pak e zgjidh me lehte ndeshjen
