Piktori i merituar pogradecar Anastas Kostandini ka sjellë në një ekspozitë Pogradecin ashtu si ai e shikon.
Qyteti” i Tasos si muzikë, arkitekturë dhe si pikturë janë format dhe elementët që Taso ka ndërthurur në këtë ekspozitë, elementë me të cilat ai mediton gjatë gjithë kohës.
Nuk heziton ta krahasojë Pogradecin me Parisin, jo vetëm që nga shkronja e parë e emrave por edhe format arkitekturore që ai i krahason mes dy qyteteve nga kujtimet e kohës studentore.
Taso është nga ai brez piktorësh që gjithmonë e ka kritikuar urbanizimin modern dhe gjithmonë në ekspozitat e tij e sjell Pogradecin në formën dhe arkitekturën e tij të vjetër si një mënyrë që njerëzit por edhe turistët të njihen dhe të mos e humbasin imazhin e dikurshëm të tij.
