Një 28-vjeçar është arrestuar në flagrancë nga policia e Devollit pasi ka kundërshtuar me forcë efektivët e policisë gjatë një kontrolli fizik.
Sipas burimeve zyrtare, në pranga ka rënë Gevi Dulo, banues në Bilisht, i cili ka refuzuar t’i bindet urdhrave të policisë dhe ka shfaqur rezistencë gjatë ndërhyrjes së uniformave blu.
Pas arrestimit, materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
Policia vijon hetimet për të zbardhur rrethanat e plota të ngjarjes.
Njoftimi i policisë;
Specialistët e Hetimit të Krimeve në Komisariatin e Policisë Devoll, arrestuan në flagrancë shtetasin Gevi Dulo, 28 vjeç, banues në Bilisht, pasi gjatë kontrollit fizik ka kundërshtuar me forcë, punonjësit e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme
