Arrëza e Devollit pavarsisht resurseve natyrore që ofron, është thuajse e braktisur. Papunësia ka sjellë shpopullim masiv në këtë zonë.
Veçanërisht të rinjtë kanë gjetur si alternativë emigrimin, për një jetesë më të mirë dhe të ardhura më të larta.
Bujqësia dhe blegtoria janë të vetmet aktivitete ekonomike, por e kanë të vështirë të zhvillohen në këtë zonë rurale ku mungojnë rrugët drejt parcelave. Në këto kushte punimi i tokës bëhet me kafshë.
Rehabilitimi i rrugës sipas banorëve është i vetmi investim në këtë fshat, por edhe ky ka mbetur pa përfunduar.
Problematikë tjetër është edhe mungesa e kanalizimeve të ujërave të zeza të cilat janë një problem madhor jovetëm për banorët por edhe turistët që e vizitojnë pasi nuk japin aspak imazh të mirë për fshatin.
Pjesa dërrmuese e popullsisë që ka mbetur mbetur në zonë janë moshat e treta dhe si të tillë nuk mund të zhvillojnë turizmin familjar.
Emigrimi drejt Greqisë me punë sezonale mbetet e vetmja mënyrë jetese për pjesën më të madhe të banorëve, por meqenëse tashmë rruga drejt Arrzës është asfaltuar lypset nevoja e programeve nxitëse dhe mbështetëse për ngritjen e bujtinave familjare dhe zhvillimin e agroturizmit.
