Pali Kolefski, kryetari i bashkisë së Pustecit, njëkohësisisht dhe kandidat në zgjedhjet lokale nga Partia Socialiste i është kundërpërgjigjur kundërshtarit të vet se asnjë punonjës nuk është kërcënuar.
“Të nderuar zotërinj, presioni ndaj punonjësve të bashkisë Pustec është përmendur disa herë. Nuk jemi përgjigjur sinqerisht, sepse për ne, po të mos ishte qesharake ajo akuzë, do të ishte tragjike.
Në ditët e sotme, ata që nuk kanë një plan konkret dhe një vizion konkret se si të përmirësohet jeta në komunën e Pustecit përdorin gënjeshtra dhe manipulime aq qesharake saqë edhe vet janë të vetëdijshëm se askush nuk i beson. Vetëm se nuk janë të vetëdijshëm se me të tilla gënjeshtra dhe manipulime nënvlerësojnë punonjësit dhe banorët e tjerë të bashkisë Pustec.
Por cila është e vërteta?
E vërteta është se që kur kam qenë kryetar bashkie, nuk ka pasur presion ndaj asnjë punonjësi për të votuar në zgjedhjet e ardhshme lokale të 14 majit të këtij viti.
Ndërsa nga ana ime ka pasur, ka dhe do të ketë gjithmonë presion mbi punonjësit që t’u shërbyer njësoj të gjithë banorëve të Bashkisë Pustec sepse pikërisht për këtë janë të punësuar. Pra, të nderuar ne nuk jemi në biznesin e akuzave dhe premtimeve qesharake dhe të rreme.
Premtojmë atë që mund të realizojmë dhe përpiqemi me projekte konkrete të përmirësojmë jetën e banorëve të komunës.
Ne kemi vizion dhe jo premtime parazgjedhore të rreme. Punojmë me projekte konkrete që do të përmirësojnë jetën e banorëve dhe jo me manipulime dhe presione.
Ndaj banorët e bashkisë Pustec e dinë se çfarë po zgjedhin. Gjithmonë përpara me Pali Kolefski, votoni nr.2“- ka shkuar Pali Kolefski në faqen e vet në facebook.
