Bashkia Devoll zhvilloi takimin e parë të Komisionit të Mbrojtjes Civile, me synimin për të përmirësuar masat e mbrojtjes kundër fatkeqësive natyrore dhe për të rritur sigurinë e qytetarëve. Në qendër të diskutimeve ishin strategjitë për zvogëlimin e riskut, si dhe përmirësimi i sistemit të reagimit në raste emergjente si zjarre, përmbytje apo tërmete.
Kryetari i Bashkisë, në cilësinë e drejtuesit të Komisionit, theksoi se mbrojtja e jetës së njerëzve, e pronës, trashëgimisë kulturore dhe e mjedisit mbetet prioritet absolut. Edhe pse Devolli nuk konsiderohet një zonë me risk të lartë, përveç rasteve të zjarreve, bashkërendimi i punës mes institucioneve dhe strukturave vendore është thelbësor për menaxhimin efikas të çdo situate emergjente dhe minimizimin e dëmeve.
Ky angazhim synon të sigurojë një reagim të shpejtë dhe të koordinuar, duke garantuar siguri më të lartë për komunitetin.
