Rruga që të çon drejt varrezave në fshatin Vashtëmi është investimi më i fundit i Bashkisë Maliq, në kuadër të zbatimit të planit buxhetor të vitit 2025 dhe përmbushjes së nevojave të komunitetit lokal.
Punimet në këtë segment rrugor janë pjesë e angazhimit të përditshëm të bashkisë për të ndërhyrë në disa objekte njëkohësisht, duke adresuar problematika të kahershme dhe duke përmirësuar infrastrukturën në territorin e njësive administrative.
Ky investim vjen si përgjigje ndaj shqetësimeve të banorëve të zonës dhe synon të lehtësojë qasjen dhe qarkullimin në një zonë me rëndësi të veçantë për komunitetin. Kryetari i Bashkisë Maliq Gëzim Topçiu, bën me dije se do të vijojë me projekte të ngjashme gjatë gjithë vitit, në funksion të përmirësimit të jetës së përditshme të qytetarëve.
