Kriza e çmimeve vazhdon të ndikojë tek ushqimet e shportës duke rënduar edhe në tepër xhepat e familjeve. Një fenomen i rritjes së çmimeve është vënë re në dyqanet e Pogradecit ditëve të fundit. Sipas nj vëzhgimi të Kolibri.al dhe nga komunikimet me tregëtarët ka një rritje prej 10-15% të çmimit të bulmetit.
Tregëtarët janë shumë të paqartë të shpjegojnë rritjen e radhës së bulmetit, e cila sigurisht ka ndikuar drejtëpërdrejtë në xhepin e pensionistëve më së shumti.
Kjo ka bërë që nga 1 kg që mund të blinin deri dje tashmë kanë kaluar në 0.5 kg për shkak se nuk e përballojnë dot blerjen e një sasie më të madhe.
Edhe për familjet situata paraqitet e vështirë: Çfarë të bëjmë më përpara thotë një zonjë teksa ikën, të paguajm taksat, dritat, ujin apo të ngopim barkun me bukë.
E një shprehje e tillë shoqëron mijra familje në qytetin liqenor i cili sipas të dhënave rezulton qyteti me numër të kosiderueshëm familjesh të varfra, pothuajse me numrin më të lartë n rang qarku.
Nga ana tjetër nuk dihet në se instancat shtetërore të konkurencës do të nisin kontrolle për këto rritje çmimesh të çudishme të cilat në shumë raste mund të konsiderohen edhe abuzive.
