Në shtëpinë muze të piktorit Vangjush Mio u çel edicioni i 15-të i Kolonisë Ndërkombëtare të Artit Figurativ “Ditët e Mios”, një ngjarje që kthen çdo vit Korçën në qendër të krijimtarisë artistike dhe bashkimit kulturor.
Mbi 40 piktorë nga vende të ndryshme të botës, përfshirë këtë vit edhe artistë nga Ballkani Perëndimor, do të sjellin në telajo peizazhet e qytetit dhe fshatrave përreth, duke përjetësuar magjinë e këtij rajoni.
Drejtoresha e Qendrës së Kulturës dhe Inovacionit, Blerta Belliu, dhe kuratorët Fatos Bylykbashi e Mikel Temo theksuan rëndësinë e kolonisë si një homazh për mjeshtrin e madh Vangjush Mio dhe si një urë që lidh traditën me artin bashkëkohor.
