Këto ditë nisin zyrtarisht punimet për rikonstruksionin e Pallatit të Sportit “Tamara Nikolla” në Korçë. Burime pranë Bashkisë bëjnë të ditur se ndërhyrja do të jetë e plotë dhe e thellë, duke rikthyer në standard këtë hapësirë të rëndësishme sportive, e cila prej vitesh ndodhej në gjendje të amortizuar.
Rikonstruksioni do të prekë të gjithë ambientet e brendshme të pallatit, me synim përmirësimin e infrastrukturës për sportistët dhe tifozët, ndërsa do të ketë ndërhyrje të konsiderueshme edhe në fasadat e jashtme, duke i dhënë godinës një pamje moderne dhe dinjitoze.
Kjo është ndërhyrja më e rëndësishme që nga ndërtimi i këtij objekti, dhe pritet të sjellë një hap të madh përpara në zhvillimin e sportit në qytet.
Deri ne perfundimin e pallatit ndeshjet zyrtare do te luhen ne qendren e femijve aty ku ndodhet nje pallat sporti i pershtatshem per ndeshje te tilla.
