“Dasma Shkodrane” për 3 orë ka qenë mbrëmë në “Pazarin e Vjetër” të qytetit të Korçës si për të treguar se Shkodra e Korça kanë shumë të përbashkëta, përfshi këtu edhe dasmat e krushqit e tyre të fortkahershme.
Historikisht në kryeqendrën e veriut dasma nuk i përkiste vetëm familjes së çiftit dhe miqve të tyre, por ishte festa e të gjithë lagjes pasi të gjithë nga oborret e tyre, nga rrugicat dëgjonin këngët aq fort të njohura shkodrane. Trashëgimi që edhe për instrumentistin e njohur Lorenc Radovani po synohet t’u përcillet brezave për ta kaluar kështu këngën nga njëri brez tek tjetri, traditë aq e bukur e këngëve të kënduara live nga një orkestër, e ku programi i dasmës ishte i punuar deri në detaje.
“Dasma Shkodrane” interpretohej nga këngëtarë e instrumentistë të brezit të ri, ata që duhet të kujdesen për ta mbajtur gjallë shpirtin artistik të këngëve aq të njohura të atij qyteti, këngë të cilat mbrëmë janë kënduar në pazarin e Korçës. Të cilat ju kënduan edhe lidhjeve të martesave që kanë dy qytetet e njohura.
“Dasma Shkodrane” erdhi në qytetin më të madh të juglindjes së vendit në kuadër të projektit “Dita Shkodrane në Korçë” mbështetur edhe nga Bashkia e Korçës.
