Një tifoz i zjarrtë hyri në fushën e blertë gjatë ndeshjes Shqipëri-Itali. Sami Rexhepi nga Skenderaj, i cili jeton në Duseldorf të Gjermanisë me shpejtësi arriti të shmangte disa prej rojeve të sigurimit dhe të përshëndeti lojtarët e Kombëtares, duke hyrë në fushë.
Kur është pyetur për arsyen e hyrjes në fushën e blertë, ai tha:
“Kam vënë bast me djalin tim. Kjo ka qenë arsyeja”.
Pasi u fut në fushë, Rexhepi përshëndeti disa prej futbollistëve të kombëtares. Ndërkohë menjëherë ndërhyri sigurimi i stadiumit.
Më pas u largua nga stadiumi ku siç thotë dhe ai vetë hyrjen në fushë e ka paguar me një çmim goxha të rëndë.
Sipas Rexhepit, autoritetet e kanë penalizuar duke i ndaluar futjen në stadiumet gjermane në të ardhmen.
