Një 21 vjeçar në qytetin e Bilishtit është arrestuar në flagrancë duke drejtuar automjetin në gjendje të dehur. Adoleshenti nuk kishte as dokumentqcipnet përkatëse ndaj është shoqëruar në komisariat.
Njoftimi i Policisë;
DVP Korçë/Vihen në pranga 1 shtetas, për veprën penale të drejtimit të automjetit në gjendje të dehur.
-Specialistët e Trafikut Urban dhe Interurban të DVP Korçë, arrestuan në flagrancë shtetasin R. M., 21 vjeç, banues në fshatin Përparimaj, Devoll, pasi në qytetin e Bilishtit, u kap duke drejtuar automjetin, në gjendje të dehur dhe pa dokumentacionin përkatës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
