Në fshatin Miras të Devollit shpopullimi ka zënë vend prej vitesh. Një nga fshatrat më të mëdhenj të bashkisë, nga 3 mijë banorë dikur, kanë mbetur rreth 800. Banorët shprehen se atje mungon e ardhmja, punësimi dhe mirëqenia ndaj të rinjtë nuk gjejnë asnjë arsye pse të jetojnë në fshat më dhe i janë drejtuar emigrimit.
Pleqtë që jetojnë në Miras thonë se të rinjtë kanë ikur masivisht.
“Fshati ka qenë 3 mijë banorë sot ka 800. Ikën nga hallet e tyre.”
Askush nuk ka prespektivë për të jetuar në këtë fshat, pasi mundësitë janë zero, ndaj Greqia mbetet “parajsa” e cdokujt, të gjithë fëmijët presin të mbushin moshën për punë të ikin sa më parë nga aty.
“Ikën në Greqi se nuk ka jetë këtu. Pikë mbaroi! Çfarë të bëjnë këtu. Të shaj qeverinë, s’kam si e shaj”
U vjen keq për fshatin që dikur ishte plot, ndërsa sot në rrugë rrallë shihet dikush, as pleq nuk dalin më. Emigrimi, kryesisht në zonat rurale është një problem që ka shkaktuar boshatisjen e fshatrave ndërsa vazhdimisht banorët kanë bërë thirrje për politika konkrete duke nisur nga investimet në infrastructure, ndihmë konkrete për ngritjen e fermave bujqsore, shitjen e prodhimit të tyre etj, por gjithcka duket se bie në vesh të shurdhër.
