Me rastin e Ditës Botërore të Refugjatëve, Kryqi i Kuq Shqiptar, dega Korçë, iu bashkua aktivitetit publik të organizuar nga Prefektura e Korçës, duke sjellë mes komunitetit mesazhe të forta solidariteti dhe mbështetjeje për refugjatët.
Vullnetarët e Kryqit të Kuq ishin aktivë në ndarjen e informacionit, ndërgjegjësimin e qytetarëve dhe grumbullimin e mesazheve të mbështetjes për njerëzit në nevojë. Korça, e njohur për mikpritjen dhe zemërgjerësinë e saj, tregoi edhe një herë vlerat e një komuniteti që di të qëndrojë pranë të tjerëve.
Ky aktivitet vjen si pjesë e një partneriteti të ri midis Kryqit të Kuq Shqiptar dhe UNHCR-së në Shqipëri, i cili ka për qëllim zgjerimin e shërbimeve të mbështetjes dhe mbrojtjes për refugjatët dhe migrantët që mbërrijnë në vend, si pjesë e lëvizjeve të përziera migratore.
Çdo akt i vogël solidariteti bën një ndryshim. Çdo zë ka rëndësi.
