25 piktorë nga shumë vende të botës edhe këtë vit janë bërë pjesë e kolonisë ndërkombëtare “Ditët e Mios” në Korçë
Pjesa me e madhe e piktorëve kanë zgjedhur studiot për të sjellë punimet e tyre.
Piktorët e ardhur nga Polonia, Ukraina, Mali i Zi madje e nga Kosova pranojnë se nuk i kanë qëndruar besnik peizazhit por kanë vendosur të sjellin më së shumti piktura abstrakte
“Është hera e parë në Korçë. Me pëlqen shume qyteti juaj, arkitektura. Po pikturoj një grua, profil por me forma abstrakte dhe duke bashkuar e arkitekturën korçare. Më pëlqeu studio dhe vendosa të pikturoj në studio“- shprehet Inese Elferte.
“Vij nga Mali i Zi, për mua është hera e parë në Korçë dhe këtë simpozium të rëndësishem të pikturës. Vendosa të pikturoj Gjon Milin si një nga artistët më të mëdhenj shqiptarë në botë“- tha Maria Nikolic.
“Vij nga Polonia, është hera e dytë për mua në Shqipëri dhe në Korçë. Jam shumë e lumtur që erdha edhe këtë herë në qytetin tuaj ndërsa do të dhuroj këtë vit një pikturë rozë, me motive femërore dhe shenja egjiptiane“- tha Emilia Wasak.
“Unë vij nga Ukraina. Botës i mungon dielli dhe në këtë kohë lufte vendosa të pikturoj një kalorës që mburojë mban zemrën, i cili nderit nga dielli. Jam shumë e lumtur që Shqipëria ka kaq shumë vëmendje për piktorët“- u shpreh dhe Inaya Asya.
Të gjithë piktorët do të realizojnë nga dy punime, njërin prej të cilave do i ngelet fondit të galerisë së artit në Korçë ndërsa punimi tjetër do të jetë pjesë e fondit të piktorëve pjesëmarrës “Ditët e Mios”.
