Gazetarët e A2 CNN dhe Klan TV janë të lirë të shkojnë drejt Greqisë për të ndjekur takimin e kryeministrit Rama.
Autoritetet doganore kanë nxjerrë pretendime se nuk kanë pasur asnjë njoftim zyrtar nga Ministria e Jashtëme për të lejuar kalimin e gazetarëve për këtë takim. Nga ana tjetër bëhet me dije se Ministria kishte dërguar një listë paraprake me emrat e mediave dhe gazetarëve.
Teksa janë mbajtur të bllokuar atyre ju komunikua si fillim se do kalonin vetëm gazetarët pa kamerat deri në një konfirmim nga autoritetet më të larta greke. Më pas u njoftuan se mund ti dorzonin pasaportat dhe të kalonin.
Prej më tepër se 5 orësh pritje në doganë, të dyja grupet e xhirimit kanë marrë lejen e nevojshme për të shkuar drejt Selanikut, por mbetet e paqartë se përse autoritetet greke krijuan një incident të tillë, në një kohë kur në asnjë rast pala shqiptare nuk ka penguar mediat greke për të ndjekur aktivitete në vendin tonë.
