“Duarartat e Leskovikut” është Inkubatori i Zahireve i çelur së fundmi në Leskovik, i pari i këtij lloji në Shqipëri, i cili do të sigurojë që prodhimet tradicionale të kësaj krahine të dalin në tregun vendas e rajonal me markën “Made in Leskovik”
Shumë prej grave të kësaj zone një nga mënyrat e sigurimit të të ardhurave e kanë nga mbledhje e bimëve medicinale por edhe nga zahiretë e dimrit, të cilat i shisnin si ambulante ndërkohë që me këtë ndërmarrje, prodhimet e tyre do të paketohen, ambalozhen dhe shiten sipas kërkesave të BE.
Majlinda Mehmeti
Amvisë leskoviqare
“Ne këto I mbledhim në mal, nuk mungon asgjë, i mbledhim e i shisnim dikur. Ka kohë është mbyllur e i shisnim ku na jepej mundësia. Këtu do ambalazhohet, me etiketa që të shitet jashtë. Është shumë ndihmë e madhe. Ne mund të punojmë, ka gra që janë me ndihmë ekonomike, pa punë fare. Nuk ikin njerëzit kështu, të rinj nuk kemi. Nesër vijnë fëmijët, vijnë nuset, niperinjte e mbesat, kështu nuk shuhet Leskoviku ”
Rajmonda Çipi
Amvisë leskoviqare
” Mbi 30 vite kam punuar bashkë me burrin në mal. Këtë rigon e ka mbledhur ai. Ky është rigon i mirë. Çaji i mirë prap. Është ndihmë sepse këtu njerëzit Jane të varfër, punoeshen dhe kanë ekonomi dhe e çojmë në shtëpinë tonë”
Kryetari i Bashkisë Kolonjë Erion Isai tregon se institucioni i pushtetit lokal do të jetë në ndihmë të këtyre grave ndërkohë që zv ministri i bujqësisë vlerëson këtë iniciativë si të rëndësishme për ekonominë e zonës.
Erion Isai
Kryetari i Bashkisë Kolonjë
“Produktet artizanale të Zahireve të Leskovikut do të certifikohen për treg. Bashkia Kolonjë do të mbështesë në tre vitet e para me fond për sigurimin e lëndës së parë dhe subvencionimin e sigurimeve shoqërore për zonjat, e me këshillin e qarkut po përpiqemi të ndërtojmë rrjetin rajonal të prodhimeve artizanale për të patur treg të përbashkët”
Enio Civici
Zv ministri i bujqësisë
“Lejon prodhimin tradicional, atë me traditë, të dalë në treg të vlerësohet, të paguhet, të përçojë gjithë historinë e vlerat ushqimore qe kemi ne vendin tone. I mundëson këtyre produkteve të pastrohen, prodhohen me siguri ushqimore, etiketohet dhe përcillet në treg. Kontratat e para janë më institucione shtetërore por jemi të bindur dhe nga operatorët private, që nuk kanë pse të marrin produktet e importit por produktet e vendit tonë ”
Krahina e Leskovikut është e njohur për prodhimet tradicionale të brumit, reçelërave, kopostove dhe pijeve tradicionale, të cilët së shpejti do të jenë pjesë e tregut vendas me etiketen e krenarisë” Made in Leskovik ”
