Dy shtetas janë arrestuar në flagrancë nga Specialistët e Sektorit të Qarkullimit Rrugor në Drejtorinë Vendore të Policisë Korçë, pasi u kapën duke drejtuar automjetet në gjendje të dehur.
Bëhet fjalë për shtetasit F. M., 47 vjeç, banues në Tiranë, dhe Y. Y., 53 vjeç, banues në Pogradec. Ata u ndaluan gjatë kontrolleve të zakonshme rrugore, ku testimi me alkool rezultoi pozitiv mbi normat e lejuara ligjore.
Policia po vijon kontrollet intensive në të gjithë qarkun për të parandaluar aksidentet rrugore dhe për të garantuar sigurinë në qarkullim. Materialet procedurale i kaluan Prokurorisë për veprime të mëtejshme.
