Skënderbeu ka mundur sot Egnatian me shifrat 1-0 në Korçë, duke ringjallur edhe një herë shpresat për mbijetesën.
Korçarët kanë dominuar plotësisht përballë rrogozhinasve, të cilët nuk u shfaqen thuajse asnjëherë rrezikshëm para portierit Alia në një paraqitje shumë larg atyre që kanë dhuruar në 9 ndeshjet e fundit në të gjitha kompeticionet ku kanë shënuar vetëm fitore.
Korçarëve iu deshën dy penallti të akorduara falë VAR-it për të shënuar të dytën dhe për të siguruar tre pikët që i nevojiten për të ringjallur luftën për mbijetesë. Ndërsa Egnatia ka krijuar një avantazh të ndjeshëm që ia mundëson edhe këto luhatje pa humbur kreun e klasifikimit.
SKËNDERBEU-EGNATIA 1-0
60′ (p) Nikaj
NGJARJET KRYESORE
90’+4’ Mbyllet ndeshja me fitoren 1-0 të Skënderbeut.
90’+1’ Fangaj ndëshkohet me karton të verdhë për faull ndaj Shaqes.
90’ Jepen 4 minuta shtesë.
89’ Felipe merr topin para zonës së Egnatias, gjuajtja e tij ndalet nga Dajsinani.
87’ Ramos merr vendin e Nasr në radhët e Skënderbeut.
85’ Një harkim nga e djathta gjen Alijev në zonë, gjuajtja me kokë e të cilit kalon mbi traversë.
82’ Kasa provon me një gjuajtje fluturimthi, sfera shkon jashtë, jo shumë larg shtyllës së portës korçare.
81’ Guindo gjuan në zonë por gjen devijimin e Janaqit, sulmuesi kërkon penallti, por jepet vetëm goditje këndi.
78’ Fangaj kërkon një penallti për prekje topi me dorë, por pamjet tregojnë se Prenç nuk ka kontakt me dorë.
76’ Janaqi, Lukinjas dhe Felipe hyjnë në fushë në radhët e Skënderbeut në vend të Bismark, Juri dhe Nikajt.
75’ Ujka gjuan nga distanca, por pa iu afruar portës së vendasve.
72’ Dylis, Jahaja dhe Guindo aktivizohen në vend të Bakajoko, Fernando dhe Lushkjes në radhët e Egnatias.
68’ Përsëri Nasr gjuan nga e majta, këtë herë duke gjetur përgjigjen e Dajsinanit. Sfera shkon përsëri te Bismark i cili nuk ia del të gjuajë në portë dhe çon sferën jashtë.
67’ Lushkja ndëshkohet me karton të verdhë për protesta ndaj gjyqtarit.
66’ Nasr nga e majta gjen hapësirën për gjuajtje, por e djathta e tij nuk çon topin drejt portës duke e fluturuar shumë lart mbi traversë.
60’ GOOOL SKËNDERBEU! Nikaj shënon me penallti.
57’-59’ Harkim në zonë nga Nikaj, topi preket me dorë nga Alijev. Korçarët protestojnë por Alla lë lojën të vijojë. Më pas ftohet nga VAR dhe pasi sheh pamjet bën shenjë nga pika e bardhë.
55’ Harkim perfekt nga e majta në zonë për Bismark, ky i fundit hutohet dhe prek topin me dorë, duke marrë kontestime edhe nga tifozët e tij.
54’ Zejnullai ndëshkohet me karton të verdhë për një faull ndaj Nasr.
46’ Pjesa e dytë nis me zëvendësim të dyfishtë te rrogozhinasit ku Uotlai dhe Leo Melo i lënë vendin në fushë Kasës dhe Ujkës.
45’+2’ Mbyllet me barazim pa gola pjesa e parë.
45’ Jepen 2 minuta shtesë.
42’ Regi Lushkja gjen portën pas njw asisti të Bakajoko, por ky i fundit ishte në pozicion jashtë loje dhe goli anulohet.
41’ Bismark merr topin në zonë dhe rrotullohet duke gjuajtur shpejt, por pa forcë për të shqetësuar Dajsinanin që pret i qetë në pozicion.
39’ Nasr nga e majta provon të gjejë rrjetën në shtyllën e largët, sfera shkon shumë lag katërkëndorit. (VIDEO)
37’ Shaqe nga e majta merr fundoren, harkimi tij ndalet nga Fangaj i cili e çon në këndore.
32’ Loja ndalet shpesh për shkak të faulleve pasi ekipet nuk kursehen në luftën e ashpër për top.
25’ Zbritje e shpejtë e Nasr në krahun e majtë, pasimi i tij në qendër gjen Juri Merlim, por gjuajtja e këtij të fundit është e gabuar dhe shkon jashtë.
22’ Vazhdon të jetë Skënderbeu i orientuar plotësisht drejt sulmit, duke kërkuar hapësira për të goditur portën e Dajsinanit.
17’ Dajsinani gjen krahun e goditjes dhe grushton penalltinë e Bismark.
14’-16’ Korçarët kërkojnë penallti për një kontakt mes Xhemajlit dhe Bismark në zonë, gjyqtari vazhdon lojën fillimisht, por pastaj ftohet nga VAR-i të rishikojë pamjet. Ai rishikon kontaktin mes dy lojtarëve dhe akordon penallti.
13’ Uotlai ndëshkohet me karton të verdhë për një faull në mesfushë ndaj Nikajt.
9’ Bismark nga e majta e zonës tenton shtyllën e largët, por Dajsinani përsëri grushton jashtë.
6’ Predhë e Sabo nga jashtë zonës, gjuajtja e tij grushtohet në këndore nga Dajsinani.
1’ Menjëherë vendasit tentojnë me një gjuajtje nga jashtë zonës, që shkon qetësisht në duart e portierit Dajsinani.
1’ Nis takimi në Korçë.
FORMACIONET ZYRTARE
SKËNDERBEU: Alia, Prençi, Dumfur, Doka, Shaqe, Sabo, Estrela, Juri, Nasr, Nikaj, Bismark.
Trajner: Ernest Gjoka
EGNATIA: Dajsinani, Xhemajli, Sota, Alijev, Fangaj, Votlai, Zejnullai, Leo Melo, Lushkja, Fernando, Bakajoko.
Trajner: Edlir Tetova
