Elena Bego nuk do të jetë më pjesë e Skënderbeut. Volejbollistja e njohur ka mbyllur zyrtarisht bashkëpunimin me ekipin korçar dhe sipas burimeve pranë lojtares, Kolibri.al mëson se korçarja do të vijojë karrierën te Dinamo.
Bego ka arritur akordin me klubin kryeqytetas dhe pritet të bashkohet me skuadrën blu për sezonin e ri. Ajo shihet si një përforcim me shumë vlera për Dinamon, që është duke ndërtuar një ekip konkurrues për të luftuar për objektiva të rëndësishëm.
Me largimin nga Skënderbeu, për Elenën nis një kapitull i ri në karrierë, ndërsa Dinamo fiton një lojtare me eksperiencë dhe cilësi në fushë.
