Maliqi ka një histori të trashëgimisë arkeologjike si të asnjë rrethi tjetër të vendit tonë duke filluar nga epoka e neolitit, eneolitit, bronzit dhe hekurit.
Maliqi dhe fshatrat e kësaj bashkie kanë vendbanime prehistorike në Podgorie, Vashtemi, Maliq e Sovjan ashtu siç ka 6 kala që i përkasin periudhave të ndryshme
Me gjithë këtë histori, Maliqi ka mbetur i pa vizituar nga turistët vendas e ne veçanti ata të huaj, kjo për shkak të mosnjohjes së këtyre vlerave arkeologjike dhe historike.
Juristia e njohur Brizida Gjikondi së bashku me një grup të rinjsh nga fshati Kolanec kanë marrë përsipër të bëjnë të ditur nëpërmjet një ekspozite me fotografi dhe objekte arkeologjike të gjitha sajtet e kësaj krahine, për t’u vizituar kështu nga turistët vendas e të huaj.
Kryetari i bashkisë Maliq Gëzim Topçiu thotë se vazhdimisht kemi paraqitur projekte për të gjitha këto sajte por e kemi pasur të pamundur për mungesë fondesh ti kthejmë të vizitueshme.
Bashkia ka projekte të shumta përfshi dhe atë të muzeut të palafiteve, por edhe në këtë rast duhet mbështetje nga ministria e linjës.
Në krahinën e Maliqit janë 12 sajte arkeologjike, ku më i rëndësishmi edhe për arkeologët është ai i Sovjanit
