Forcat e armatosura “zbarkojnë” në Maliq – në ndihmë të zjarrfikëseve të juglindjes për të fikur zjarrin në malin e Bodes në Lozhan.
Pas thirrjes së kryetarit të bashkisë Maliq Gëzim Topçiu në ndihmë kanë ardhur shërbimet zjarrfikëse nga gjithë qarku i Korçës. Përpos tyre, kanë mbërritur edhe forcat e armatosura të cilët pritet të organizohen për ndërhyrje të menjëhershme në majën e Bodesë, zjarr i cili vazhdon prej 4 ditësh.
Deri tani sipërfaqja e djegur është e konsiderueshme ndërkohë që terreni i thyer malor dhe era e fortë e bën të vështirë vënien në kontroll të flakëve.
