Në prag të sezonit të ri të mbjelljes së qepës, fermerët e Maliqit përballen me një situatë të vështirë, pasi kanë ende sasi të konsiderueshme të pashitura nga prodhimi i vitit të kaluar.
Në disa fshatra të bashkisë, si Leminot dhe Çaushli, një pjesë e prodhimit është hedhur në kanale dhe lumenj, ndërsa pjesa tjetër është magazinuar. Fermerët thonë se, edhe pse prodhimi i qepës ka qenë i mbarë, çmimi i shitjes ka qenë tepër i ulët dhe kërkesa nga tregtarët ka qenë gjithashtu e pamjaftueshme.
Fermerët shprehen të shqetësuar për situatën e përsëritur, ku mbetjet e prodhimit po shkaktojnë dëme të konsiderueshme dhe po krijojnë pasiguri për të ardhmen.
Kjo situatë ka ngritur shqetësim e braktisjes së kësaj kulture në vitet që vijnë.
