Fermerë të fshatrave të Korçës, Devollit e Maliqit kanë protestuar ditën e sotme para zyrave të drejtorise se ekstensionit bujqësor.
Shkak është bërë humbja e prodhimit të mollës nga breshëri i rënë vetëm pak ditë më parë në pjesën më të madhe të fshatrave të këtyre bashkive.
Nënkryetari i shoqatës së biznesit të vogël në Korçë Bujar Muço i ka kërkuar kësaj drejtorie por dhe ministrisë së linjës të tregojë më shumë kujdes në raste të tilla ndaj fermerëve. Ai ka kërkuar dëmshpërblimin e tyre pasi fermerët prej 4 vitesh humbasin prodhimin e tyre të mollës.
Nga ana tjetër fermerët janë shprehu se, në rast se qeveria nuk iu gjendet dhe këtë vit afër, e vetmja rrugë që ju mbetet është largimi nga ky vend.
Te tjerë fermerë akuzojnë se mbështetjen e rrjetave e kanë marrë simpatizantë të PS dhe jo fermerët e thjeshtë që fitojnë bukën e gojës nga bujqësia
Drejtori i drejtorisë rajonale të ekstensionit bujqësor Vullnet Gjolla është shprehur se ministria e linjës ka mbështetur herë pas here fermerët me rrjeta antibresher ndërkohë që ju ka kërkuar atyre se duhet të sigurojne prodhimin e tyre përfshi dhe sipërfaqet e mbjella me mollë.
Në qarkun e Korçës burime zyrtare bëjnë me dije se janë të mbjella me shume se 3100 hektarë mollë nga të cilat vetëm në bashkinë e Devollit, ku dhe dëmet janë më të mëdha janë më shumë se 680 hektarë.
Zyrtarisht pranohet se dëmi nga breshëri shkon deri në 40% ndërkohë që fermerët thonë se ky dëm shkon deri në 80% të sipërfaqes të mbjellë me mollë.
