Festa e Birrës e cila nis sot ka dhënë efektet e saj të para pozitive në qytetin e Korçës.
Rrugët e Korçës janë plot, per shkak të numrit të lartë të turistëve dhe emigrantëve të kthyer nga jashtë, kryesisht nga Greqia, të cilët kanë ardhur për të shijuar nga afër këtë festë.
Një gjë të tillë e konfirmojnë dhe operatorët turistikë, të cilët shprehen se hotelet janë të gjitha të rezervuara.
Armando Gena
Vila “Ekrem”
“Si çdo vit Korça për festën e birrës i ka patur gjithmonë dhomat e rezervuara, vijnë shumë turistë nga jashtë për të frekuentuar këto 5 ditët e festës së Birrës. Çmimet nuk është se kanë ndryshuar, kemi qëndruar atje. Pjesa më e madhe janë shqiptarë, të paktë janë të huajt. Cilësia, shërbimi, bukuria e qytetit të Korçës të gjitha ndikojnë”.
Elona Xhafa
Hotel “Alysa”
“Rezervimet kanë filluar tashmë prej një jave dhe jemi full booking të themi. Kemi vendas dhe të huaj. Kryesisht Durrësi, Tirana, Vlora, e më gjerë. Çmimet kanë një rritje të papërfillshme, patjetër qyteti gumezhin, është mbushur me plot me turistë është në të mirë të biznesit”.
Gjatë 5 netëve në Festën e Birrës do të performojnë emra të mëdhenj të muzikës botërore , si grupi” No Mercy “,” La Bouche”, Despina Vandi dhe Keti Gabi.
