Skënderbeu fiton edhe ndeshjen e dytë të finaleve të kampionatit kombëtar të volejbollit për femra.
Takim që ka filluar më mirë për Tiranën që kanë fituar setin e parë me rezultatin 25-14 por gjithçka ka ndryshuar në tre setet e tjera të kësaj ndeshje pasi Skënderbeu ka qënë shumë i saktë jo vetëm në pozicionin 4,2 dhe 3 por dhe në bllok e shumë më tepër në pritjen e topit të parë.
Në të treja këto sete Tirana e ka pasur të pamundur të përballojë Skënderbeun që edhe në këtë ndeshje të dytë falë nje organizimi perfekt të Persce ja ka dalë të godasë fort jo vetëm nga vija e parë por shumë më tepër edhe nga vija e dytë me Williams e Vivas, lojtare që në këto 3 sete e kanë rritur në maksimum lojën e tyre.
Me dy ndeshje të fituara, Skënderbeu është pothuajse fitues i titullit kampion, titull që rikthehet pas 1 sezoni në Korçë.
Ndeshja e tretë luhet në shtëpinë e korçareve ndaj e për këtë Skënderbeu është krejt pranë titullit.
