Pas rezultatit të zgjedhjeve, kandidati i Partisë Demokratike Fidel Kreka ka reaguar publikisht përmes një mesazhi falënderues për të gjithë mbështetësit dhe demokratët.
“Faleminderit nga zemra çdo demokrati që më besoi, më votoi dhe më mbështeti në këtë rrugëtim. Falë votës tuaj dola i pari mes gjithë kandidatëve dhe këtë e konsideroj një përgjegjësi të shenjtë. Ju jam thellësisht mirënjohës,” shkruan Kreka, duke theksuar rëndësinë e mbështetjes së strukturave të PD-së dhe të gjithë atyre që dhanë gjithçka në këtë betejë.
Ai ka kërkuar ndjesë që nuk ka mundur t’u përgjigjet të gjithë mesazheve falënderuese dhe urimeve, por thekson se i ka lexuar me emocion dhe mirënjohje.
“Ju nuk jeni humbës! Ju jeni zemra e kësaj partie. Kur PD bie, ngrihet nga njerëz si ju. Mos e ulni kokën, ngrijeni më lart se kurrë. S’ka kohë për dëshpërim!” – shkruan më tej Kreka, duke iu drejtuar veçanërisht demokratëve që ndihen të zhgënjyer nga rezultati i zgjedhjeve.
Në fund të mesazhit të tij, Fidel Kreka shprehet se është dhe do të mbetet në krah të çdo demokrati dhe çdo beteje që vjen: “PD nuk është thjesht një parti, është një besim dhe ky besim nuk shuhet kurrë!”
Reagimi i Fidel Krekës në facebook;
Faleminderit nga zemra!
Çdo demokrat që më besoi, më votoi dhe më mbështeti në këtë rrugëtim .
Falë votës tuaj dola i pari mes gjithë kandidatëve dhe këtë e konsideroj një përgjegjësi të shenjtë. Ju jam thellësisht mirënjohës!
Faleminderit ekipit tim të palodhur, strukturave të PD-së, komisionerëve, numëruesve dhe gjithë atyre që dhanë gjithçka për këtë betejë. Pa ju, asgjë s’do ishte e mundur.
Dua t’u kërkoj ndjesë të gjithë atyre që më kanë dërguar mesazhe falënderimi dhe urimi , janë të shumtë dhe nuk arrij dot t’u përgjigjem të gjithëve, por i kam lexuar me emocion dhe mirënjohje . Ju faleminderit për çdo fjalë zemre.
Sot dua t’i drejtohem me gjithë shpirt demokratëve, që pavarësisht përpjekjes, ndihen të zhgënjyer nga rezultati.
Ju nuk jeni humbës! Ju jeni zemra e kësaj partie. Kur PD bie, ngrihet nga njerëz si ju. Mos e ulni kokën, ngrijeni më lart se kurrë. S’ka kohë për dëshpërim!
Unë jam këtu. Do të jem këtu. Për çdo demokrat, për çdo betejë që na pret sepse PD nuk ështe thjesht një parti ,është një besim dhe ky besim nuk shuhet kurrë!
Faleminderit!
