Lagjja 10 është një nga shembujt më të mirë të ndryshimit të qytetit në vitet e fundit, – kështu u shpreh kryetari i bashkisë Sotiraq Filo në një takim me banorët e kësaj lagjeje. Kandidati për kreun e bashkisë në zgjedhjet e 14 majit veçoi investimet më madhore që janë bërë gjatë këtyre viteve, ku padyshim Qyteza e Fëmijëve dhe Zona Sportive janë shembujt se si nga një moçal u kthye në një pikë shumë të rëndësishme të Korçës.
Sinkron: “Lagjja 10 ka një bilanc pozitiv sa i takon projekteve të zbatuara. Filluam me kanalizimet për të vijuar me rrugët e brendëshme të lagjes dhe sistemimin e hapsira në blloqet e pallateve. Projektet më të mëdha të bashkisë sërish i takojnë kësaj lagjeje duke nisur me rimodelimin e Parkut Rinia që është hapsira e gjelbër kryesore e qytetit. Për të vijuar me Qytezën dhe Zonën Sportive, dy projekte madhore shumë të rëndësishme nga mënyra se si e transformuan këtë hapsirë. Para pak vitesh ky vend ishte një moçal ndërsa tani kemi këtë hapësirë fantastike dedikuar të ardhmes së këtij qyteti.
Nga ana tjetër, gjatë fjalës së tij Filo përmendi projektin e termoizolimit të pallateve, si një hap i mëtejshëm jo vetëm për t’i dhënë një tjetër imazh qytetit të Korçës, por shton vlerën e pronës dhe ul koston e ngrohjes.
Sinkron: “Projekti i termoizolimit të fasadave është një tjetër projekt që i ndryshon imazhin qytetit. E kemi pilotuar dhe e kemi parë se sa i rëndësishëm është ky projekt që të zbatohet në gjithë qytetin. Ky projekt do të ndikojë tek banorët pasi do të ulë kostot e ngrohjes si dhe do të risë vlerën e pronës. Por nga ana tjetër, termoizolimi ka edhe një benefit për qytetin pasi përmirëson imazhin e tij.”
