Një humbje e madhe ka prekur artin dhe kulturën shqiptare, pas ndarjes nga jeta të Robert Kotmilos. I njohur për ndershmërinë dhe shpirtin e tij të madh, ai ka lënë pas një boshllëk të ndjeshëm te familja, miqtë dhe të gjithë ata që e vlerësonin.
Në një prononcim për mediat, motra e tij e vogël ka ndarë disa detaje rreth momentit të fundit të jetës së artistit dhe kujtimit që ai lë pas. Ajo ka treguar se, pavarësisht përpjekjeve për t’u mjekuar, Robert Kotmilo nuk mundi ta përballonte sëmundjen e tij. Me emocione të forta, ajo e kujton si një njeri me një zemër të jashtëzakonshme, që gjithmonë mendonte për të tjerët.
Biseda me të motrën sjell një rrëfim të ndjerë mbi figurën e Robert Kotmilos dhe fjalët e tij të fundit, duke e përjetësuar atë në kujtesën e atyre që e deshën dhe e vlerësuan.
Pjesë nga intervista;
Gazetari: Roberti na la!… Ngushëllime!
Motra e Robert Kotmilo: Faleminderit!
Gazetari: Ju jeni e motra apo jo?
Motra e Robert Kotmilo: Po, motra e vogël e Bertit. Ka edhe një motër tjetër më të madhe se mua.
Gazetari: Nga çfarë ndërroi jetë?
Motra e Robert Kotmilo: Si të thuash i erdhi dalëngadalë, kishte disa gjëra të vogël që nuk i përballoi dot. Edhe pse u mjekua nuk e përballoi dot.
Gazetari: Berti do të mbahet mend për ndershmërinë e tij apo jo?
Motra e Robert Kotmilo: Po ishte një njeri me zemër shumë të madhe… kaq mund të them!
Gazetari: Si do e kujtojmë Bertin?
Motra e Robert Kotmilo: Bertin do e kujtojmë si një njeri me shpirt shumë të madh, jashtëzakonisht të madh. Bënte shumë për njerëzit, jashtëmase shumë… kaq mund them
Gazetari: Së fundmi kur flisje me të çfarë të thoshte?
Motra e Robert Kotmilo: Po çfarë të them unë tani, ne e kemi dashur shumë dhe na ka dashur shumë pavarësisht se vitet e fundit zgjodhi të jetonte vet.
