Qindra automjete po udhëtojnë këtë të premte nga Tirana drejt juglindjes së vendit.
Që prej orës 17:30, hyrja e qytetit të Elbasanit është bllokuar, ndërsa trafiku arrin në disa kilometra, raporton korrespondentja Bruna Kërçyku.
Qytetarët po lëvizin drejt Pogradecit dhe Korçës, por ka nga ata që kanë zgjedhur të kalojnë fundjavë në Maqedoninë e Veriut dhe Greqi, duke iu drejtuar kështu pikave kufitare.
Trafiku në qytetin e Elbasanit drejt Korçës është rënduar edhe më tej, për shkak të ardhjes së emigrantëve, që po pushojnë në atdhe.
