Dorëhiqet Nesti Binishi nga drejtimi i Klubit të Futbollit Pogradeci
Pogradec – Nesti Binishi, drejtuesi i Klubit të Futbollit Pogradeci, ka dhënë dorëheqjen nga detyra e tij. Vendimi erdhi pas një periudhe të vështirë për ekipin liqenor, i cili ka përjetuar disa humbje radhazi dhe performancë të dobët në ndeshjet e fundit.
Burime pranë klubit bëjnë të ditur se pakënaqësitë e Binishit në lidhje me ecurinë e ekipit dhe mospërputhjet me drejtuesit e klubit kanë çuar në largimin e tij.
Dorëheqja e Binishit lë të hapur një vend të rëndësishëm në drejtimin e Pogradecit, ndërsa klubi kërkon të rikthehet në formën e tij më të mirë në kampionat.
Drejtori i Klubit të Pogradeci Nesti Binishi ka pasur paraditen e sotme një takim me futbollistët liqenorë të cilëve pasi iu ka uruar suksese për ndeshjet në vijim, ju ka bërë me dije se nuk do të jetë më drejtor i kësaj skuadre.
I pyetur për këtë largim të papritur Binishi tha se akoma nuk është takuar me presidentin e skuadërs duke lënë për të kuptuar se një gjë të tillë do ja bëjë me dije edhe të parit të futbollit pogradecar.
Nesti Binishi prej 3 vitesh është drejtor ekzekutiv i klubit pogradecar madje sëbashku me trajnerin Samuel Nikaj ka një rol të rëndësishëm në rikithimin e skuadrës në kategori të parë.
Këtë fillim sezoni skuadra nuk ka arritur rezultatet e pritshme nisur dhe nga kjo Binishi ju ka bërë me dije lojtarëve për shkëputjen e bashkëpunimit zyrtar me ta, por do të jetë presidenti Armand Lilo ai që do të vendosë për fatin e Binishit në drejtimin e klubit të futbollit. Për momentin kemi vetëm një deklaratë të drejtorit para skuadërs por mungon lajmi zyrtar i dorëhqejes.
