Situata në Bashkinë e Maliqit duket e normalizuar. Ashtu si edhe ishte parashikuar, ka pasur reshje shiu me intesitet të lartë, kryesisht gjatë natës së kaluar.
Strukturat e Emergjencave Civile në Bashkinë e Maliqit kanë qenë në gatishmëri përgjatë këtyre 24 orëve.
Ka pasur bllokime të disa pusetave, por janë zhbllokuare mënjëherë dhe rrugët janë lehtësisht të kalueshme.
Në zonat e njësive administrative të Gorës dhe Moglicës vazhdon të ketë shkëputje të energjisë elektrike.
Kryebashkiaku Gëzim Topçiu falenderon punojnësit që kanë sakrifikuar duke dalë gjatë natës në terren për mirëmbajtjen e rrugëve si dhe bën thirrje për të shmangur lëvizjet e panevojshme.
Statusi në facebook;
Falenderim për punonjësit e Shërbimeve Publike të cilët gjatë gjithë natës e ditës së sotme kanë qenë në terren duke monitoruar situatën për të parandaluar problematikat e mundshme, të shkaktuara nga reshjet e dendura të shiut.
Të gjithë banorët në qytet dhe fshatra të tregojnë kujdes dhe të shmangin lëvizjet e panevojshme, derisa situata të normalizohet!
