Bëhet fjalë për Shkëlqim Callo, banues në fshatin Përparimaj të Devollit i cili para 3 ditësh ishte larguar nga banesa e tij dhe kanë qenë familjarët ata që kanë kërkuar ndihmë për gjetjen e 66 vjeçarit.
Ditën e sotme është bërë e mundur gjetja e trupit të tij të pajetë.
Policia bën me dije se nga verifikimi i trupit të viktimës nuk janë konstatuar shenja dhune ndaj e mendohet se vdekja e 66 vjeçarit mund të ketë ardhur për shkaqe natyrale. Megjithatë grupi hetimor po punon për zbardhjen e rrethanave të kësaj ngjarje.
Njoftimi i policisë;
Devoll/Informacion paraprak
Më datë 09.02.2024, rreth orës 12:55, në afërsi të fshatit Hoçisht, Devoll, është gjetur pa shenja jete shtetasi Sh. Ç., 66 vjeç, banues në fshatin Përparimaj, Devoll. Nga këqyrja e jashtme e trupit të viktimës nuk janë konstatuar shenja dhune. Nga verifikimi i kryer rezulton se ky shtetas është larguar nga banesa më datë 06.02.2024.
Paraprakisht dyshohet se 66-vjeçari mund të ketë humbur jetën, për shkaqe natyrore.
Grupi hetimor po punon për zbardhjen e rrethanave të ngjarjes.
