“Për vitin 2024, dita e fëmijëve 1 Qershori kur do të jetë? Të shtunën. Po ditëlindja ime 5 Nëntor 2024, unë kur do e festoj? Të martën. Po 31 Dhjetori 2024, vitin e ri kur do e festojme? Të martën. Po ditën e Rinisë 8 Dhjetor 2024? Të djelën.” thotë Gregori.
Ky është gjeniu i vogël 9 vjeçar nga Bilishti Gregor Spaho.
Gregori vuan nga mungesa e shikimit por një ditë ai çuditi të gjithë kur filloi të memorizonte pothuajse gjithçka, e me tepër akoma, ai mund të përllogaritë datat dhe zbulojë se çfarë dite do të jetë ajo.
“31 Dhjetor 2023, çfarë dite ishte? E djelë. Po 8 Dhjetor 2023? E premte ishte dita e rinisë. Unë e kisha ditëlindjen 5 Nëntor 2023. Çfarë dite ishte? E djelë. Po këtë vit çfarë do jetë? E martë”
Mësuesja ndihmëse e Gregorit tregon se pavarësisht mungesës së shikimit, zhvillimi i tij ka qënë i mahnitshëm, edhe pse nevoja për një specialist është urgjente.
” Gregori është vërtet talent. Ai është një fëmijë që të bën për vete, i veçantë, me datat e tij dhe ne na vjen çudi, kanë mbetur të mahnitur. Përveçse gjetjes së datave ai ka e talente të tjera, në muzikë, ka vesh muzike shumë të mirë. Në qoftë se do kishte një specialist të veçantë do kishte ecur akoma dhe më tepër. 1:00 ne me mundësitë tona arrijmë që Gregori të ndihet mirë, në ambientet e klasës, në mënyrë bashkevepruese por do ishte më e mirë të kishte një specialist të posaçëm, të kishte më tepër zhvillim ” u shpreh Era Tili.
Mjetet didaktike të personalizuara mungojnë për talentin 9 vjeçar në Bilisht, ndërkohë që kërkesat e prindërve drejt institucioneve kanë qënë të njëpasnjëshme, por ende pa rezultat
