71 vjeçari Pëllumb Lamçe i akuzuar për ngacmim seksual të një 9 vjeçareje jeton i vetëm në fshatin Sheqeras pasi pjesën tjetër të familjes e ka prej vitesh në emigracion.
Në Sheqeras jeton edhe 9 vjeçarja sëbashku me familjen dhe vëllain 4 vjeçar. Familja e 9 vjeçares jeton në kushte shumë të vështira ekonomike dhe të ardhurat e vetme janë përkrahja sociale që jep shteti.
Babai i 9 vjeçares nuk ka pranuar të flasë për mediat por të vetmen fjalë që tha ishte se gjithçka e ka lënë në dorë të policisë dhe prokurorisë.
Familja e 9 vjeçares jeton shumë pranë shkollës të fshatit Sheqeras dhe si çdo ditë edhe një ditë më parë, vajza ka qenë duke luajtur në këndin e lojrave të shkollës kur është përballur me 71 vjeçarin që për banorët e Sheqerasit ka probleme të shëndetit mendor.
Ngjarja ka tronditur banorët e këtij fshati, por askush nuk komentonte ngjarjen e rëndë të një dite më parë.
Ky është rasti i 4-ët i ngacmimeve seksuale në Qarkun e Korçës, tre prej të cilëve janë në Devoll. Në dy raste ai i ngacmimit të një 20 vjeçarjeje dhe ky i 9 vjeçares janë kryer nga persona me probleme të shëndetit mendor.
