Emisioni ‘E diela shqiptare’ në rubrikën ‘Ka një mesazh për ty’ pati në studio mjekun e njohur obstetër-gjinekolog Orion Glozheni. Ai ishte i ftuar për ti përcjellë një mesazh të ndjerë mirënjohjeje ndaj babait të tij Koço Glozheni, emrin e të cilit mban edhe një maternitet në Tiranë në shenjë vlerësimi për kontributin e pa çmuar mjekësor.
‘Falë Zotit dhe doktor Koço Gliozhenit, nëna së bashku me djalin Hyqmetin arritën të mbijetojnë e të sjellin lumturi pafund në një familje të vuajtur. Sot këtë mirënjohje, Hyqmeti i’a shprehu djalit të doktorit, një tjetër personalitet i mjeksisë si Orion Gliozheni.
Një homazh për dy shpirtra që nuk jetojnë më por që përcillen si kujtime tek brezat e mëvonshëm, si modele krenarie të profesionalizmit, guximit e sakrificës’ ishte mesazhi i përcjellë nëpërmjet kësaj ftese dhe këtij takimi.
Pikërisht në këtë emision, doktor Orion Glozheni rrëfeu paksa nga ana e tij familjare. Ai tregoi se vjen nga një dinasti mjekësh, pasi që nga gjyshi i tij, babai, ai vetë dhe djali i tij përbëjnë katër breza mjekësh obstetër-gjinekologë.
Një trashëgimi e rrallë e investuar në mijëra e mijëra jetë kjo e dinastisë mjekësore Glozheni.
