Grekët punojnë me sportele të reduktuara në hyrje, çka ka sjellë radhë të gjata në pikën e kalimit kufitar të Kapshticës.
Radhë të cilat janë më së shumti në tokën neutrale, aty ku policia jonë kufitare i ka vendosut mjetet deri në 5 korsi në pritje për të kaluar në anën tjetër të kufirit.
Në rrethana të tilla, autoritetet tona kufitare kanë pasur disa takime me policinë greke të cilëve iu ka kërkuar shtimin e sporteleve, gjë e cila nuk ka ndodhur, kjo dhe për mungesë të personelit.
Pala shqiptare punon me 4 sportele në dalje e 3 në hyrje, ndërkohë që grekët me 2 në hyrje e një në dalje.
Shtetasit shqiptarë bëjnë të ditur se kanë pritur më tepër se një orë për të kaluar kufirin.
Vetëm ditën e sotme kanë kaluar në anën tjetër të kufirit më shumë se 3700 shtetas shqiptare dhe të huaj, ndërkohë që një ditë më parë më shumë se 5100 shtetas.
