Universiteti “Fan S. Noli” në Korçë ka hapur aplikimet për programet e ciklit të dytë të studimeve, ku për vitin akademik 2025–2026 ofrohen gjithsej 28 mastera, profesionalë dhe të shkencave. Deri tani kanë aplikuar rreth 130 kandidatë, ndërsa veçanërisht interes kanë ngjallur dy programet e reja të këtij viti.
Drejtori i Kurrikulave dhe Vlerësimit Institucional, Artur Prifti, theksoi se ndër më të kërkuarit mbetet Masteri Profesional për Mësuesi në Arsimin Special, si dhe disa programe të tjera që lidhen ngushtë me tregun e punës.
Aplikimet do të jenë të hapura deri më 3 tetor 2025, pas së cilës do të kryhet renditja, do të shpallen fituesit dhe do të nisë regjistrimi i studentëve.
