Gleria e Arteve Digjitale Korçë (GADK) njofton hapjen e ekspozitës immersive “Oqeani – Një Guidë Nenujore për Fëmijët” më datë 9 Gusht 2024. Kjo ekspozitë unike synon të ofrojë një përvojë të jashtëzakonshme për vizitorët e të gjitha moshave, duke i çuar ata në një udhëtim magjepsës në thellësitë e oqeanit.
Çfarë të presim nga Ekspozita:
Përmes teknologjisë së avancuar të projeksioneve 360 gradë, vizitorët do të kenë mundësinë të përjetojnë një botë nënujore të pasur me peshq shumëngjyrësh, korale të mrekullueshme dhe krijesa detare të jashtëzakonshme. Ambientet e ekspozitës janë krijuar për të dhënë ndjesinë e vërtetë të notimit në oqean, duke e bërë këtë përvojë jo vetëm edukative por edhe argëtuese për fëmijët dhe të rriturit.
Përvoja dhe për femijët
Ekspozita është dizajnuar posaçërisht për fëmijët, duke ofruar një guidë nënujore që i ndihmon ata të mësojnë më shumë rreth biodiversitetit të oqeanit dhe rëndësisë së mbrojtjes së tij. Përmes aktiviteteve interaktive dhe vizualeve mahnitëse, fëmijët do të mund të zhyten në një botë plot ngjyra dhe magji, duke nxitur kështu kuriozitetin dhe dashurinë për natyrën.
Detajet e Ekspozitës:
– Data e Hapjes: 9 Gusht 2024
– Vendi: Gleria e Arteve Digjitale Korçë (GADK)
– Aktivitetet: Projeksione 360 gradë, vizuale immersive, aktivitete interaktive
– Qëllimi: Edukimi dhe argëtimi i fëmijëve për biodiversitetin e oqeanit
GADK fton të gjithë të interesuarit të marrin pjesë në këtë ngjarje të veçantë dhe të përjetojnë një udhëtim nënujore të paharrueshëm. Për më shumë informacion dhe për të rezervuar biletat, vizitoni faqen zyrtare të GADK.
