Policia e Korçës ka nisur procedime penale për disa raste të ndryshme në qark, që lidhen me dëmtim bagëtish, kanosje dhe vjedhje.
Në Ersekë, një konflikt mes dy banorëve ka çuar në procedim penal. Shtetasi E. D., 41 vjeç, akuzohet se ka dëmtuar 3 bagëti të shtetasit G. V., 53 vjeç, i cili më pas dyshohet se e ka kërcënuar me fjalë.
Në një tjetër rast në Udënisht, Pogradec, një grua 66-vjeçare, A. Ç., është vënë nën hetim, pasi dyshohet se ka kanosur me fjalë një grua 57-vjeçare.
Ndërkohë, në Dvoran të Korçës, një banor 66-vjeçar ka denoncuar në polici një vjedhje në banesën e tij. Ai ka deklaruar se, gjatë kohës që nuk ndodhej në shtëpi, i kanë vjedhur pajisje hidrosanitare. Policia po punon për identifikimin e autorëve.
Po ashtu, një tjetër procedim penal është hapur për një 61-vjeçar nga Cërriku, Ç. N., i cili dyshohet për falsifikim të vulave dhe formularëve.
Njoftimi i policisë;
Specialistët për Hetimin e Krimeve të Komisariatit të Policisë Kolonjë referuan materialet në Prokurori, ku filloi procedimi penal për shtetasit E. D., 41 vjeç dhe G. V., 53 vjeç, banues në Ersekë, pasi dyshohet se 41-vjeçari ka dëmtuar 3 bagëti të shtetasit G. V., ndërsa ky i fundit e ka kanosur me fjalë 41-vjeçarin.
Specialistët për Hetimin e Krimeve të Komisariatit të Policisë Pogradec referuan materialet në Prokurori, ku filloi procedimi penal për shtetasen A. Ç., 66 vjeçe, banuese në Udënisht, Pogradec, pasi dyshohet se ka kanosur me fjalë një 57-vjeçare.
Në Komisariatin e Policisë Korçë është paraqitur shtetasi shtetasi P. K., 66 vjeç, banues në Dvoran, Korçë, i cili ka kallzuar se gjatë kohës që nuk ka patur njeri në banesë, i kanë vjedhur pajisje hidrosanitare. Po punohet për identifikimin dhe kapjen e autorit/ve.
Specialistët për Hetimin e Krimeve të DVKM Korçë referuan materialet në Prokurori, ku filloi procedimi penal për shtetasin Ç. N., 61 vjeç, banues në Cërrik, për veprën penale “Falsifikimi i vulave, stampave ose formularëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
