Historiani korçar Niko Kotherja i ka dhuruar presidentit francez Macron në prezencë të kryeministrit Rama albumin “Liceu Kombëtar dhe Tradita Frankofone në Korçë”
Ja çfarë shkruan ai në rrjetin e tij social Facebook
Presidenti Emmanuel Macron nuk mund të largohej nga Shqipëria pa marrë me vete një suvenir të veçantë, siç ishte albumi “Liceu Kombëtar dhe tradita frankofone në Korçë”. Një historik i Liceut Kombëtar të Korçës, që përmes fotografive historike dhe dokumenteve të kohës sjell një tablo të plotë të shkollëd së parë të kulturës së përgjithshme në Shqipëri.
Kënaqesi dhe privilegj që këtë vëllim, i cili mban autorësinë time, t’ja dhuroja Presidentit francez në prezencë të Kryeministrit të Shqipërisë, z. Edi Rama, me ftesë të së cilit isha pjesë e darkës zyrtare.
Presidenti Macron, përmes këtij albumi të botuar posaçërisht për të, mori një dokument dhe një kujtim duke dhënë premtimin e ringritjes së Liceut të Korçës, nyjes elitare të farkëtimit të të rinjve shqiptare dhe jo vetëm.
