Skënderbeu u mposht në shtëpi nga Teuta, me durrsakët që triumfuan 3-2 ndaj tyre. Një humbje që “dhemb” te Skënderbeu, pasi korçarët kanë zbritur në vendin e 8-të në tabelën e klasifikimit me vetëm 4 pikë, duke humbur kështu një shans për të qenë pjesë e 4-shes së parë.
Sigurisht që paraqitja e skuadrës ka lënë për të dëshiruar, me Ivan Gvozdenovic që nuk e ka “kapërdijë’ lehtë një disfatë të tillë. Trajneri serb para se ekipi të nisë stërvitjen për duelin e radhës ndaj Dinamos që do të luhet në transfertë i ka bërë “zbor” lojtarëve.
Gvozdenovic i ka bërë një analizë të gjatë sfidës me durrsakët, ndërsa ka kërkuar nga futbollistët përqendrim maksimal dhe vlerësim të kundërshtarit dhe situatave.
