Natyra e virgjër e Lyhnidas, rrugicat karakteristike, Pogradeci katërstinor, peizazhet e mrekullueshme, personazhe të ndryshëm, portrete apo çdo çast frymëzues dhe muzëndjellës, është përjetësuar nga peneli i Todi Matos.
Që në vogëli u dallua për talentin në pikturë, duke vazhduar rrugën e gjatë të artit si fillim në liceun artistik “Jordan Misja” dhe më vonë si pjesë e artistëve të Insitutit të Lartë të Arteve, në degën e skulpturës por i pandashëm edhe me pikturën. Studime të cilat do ta bënin një poet të vërtetë të natyrës, por jo me bojën e penës, po me atë të penelit.
Mjeshtëria e Todi Matos spikat si brenda ashtu dhe jashtë vendit, në Itali, SHBA, Maqedoni etj. Për kontubutin e tij në fushën e pikturës dhe skulpturës, ku numërohen një sërë ekspozistash por edhe vepra në skulpturë, Todi Mato është vlerësuar me titullin “Qytetar Nderi”.
