Një 47 vjeçar është arrestuar ditën e sotme pasi ka thyer masën disiplinore të arrestit në ambientet e shtëpisë, si dhe dyshohet se ka ngacmuar seksualisht një 27 vjeçare.
Njoftimi i Policisë;
DVP Korçë/Vihet në pranga 1 shtetas për veprën penale të ngacmimit seksual
-Specialistët për Hetimin e Krimeve të Komisariatit të Policisë Pogradec ndaluan me iniciativë shtetasin N. N., 47 vjeç, banues në Pogradec, pasi ka thyer masën e sigurisë “Arrest në shtëpi” që i kishte caktuar Gjykata dhe dyshohet se ka ngacmuar seksualisht një 27-vjeçare, afër banesës së saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
