Jorida Mazelliu ka lindur më 20 tetor 1991 në Bilisht, Devoll. Ajo ka përfunduar studimet e larta duke u diplomuar me Master të Shkencave në Stomatologji, e specializuar në Ortodonci dhe Estetikë të Avancuar.
Gjatë karrierës së saj, Jorida ka marrë pjesë në disa trajnime dhe kongrese kombëtare dhe ndërkombëtare. Ajo ka qenë pjesëmarrëse aktive në trajnimin mbi Menaxhimin e Emergjencave dhe Komplikacioneve në Stomatologji dhe në Kongresin e 22-të Ballkanik të Stomatologjisë në Selanik.
Prej 10 vitesh, Jorida ushtron profesionin e saj si mjeke stomatologe pranë Klinikës Mea Dent, ku njihet për profesionalizmin dhe përkushtimin e saj në fushën e ortodoncisë dhe estetikës dentare.
Përveç suksesit në fushën e stomatologjisë, Jorida është angazhuar edhe në politikë. Ajo është kandidate për deputete pranë Partisë Demokratike, duke sjellë në politikë përvojën dhe vizionin e saj për të kontribuar në zhvillimin e komunitetit dhe përmirësimin e sistemit shëndetësor.
Në jetën personale, Jorida është e martuar dhe është nënë e një vajze 6-vjeçare.
