Klodiana Koxha (Besholli) ka lindur me 14.04.1971 në Pogradec.
Në Shtator të vitit 1989 filloi studimet e larta në Universitetin e Tiranës, Fakulteti Histori -Filologji, dega Gjuhë e huaj, Anglisht dhe u diplomua në korrik të vitit 1992 si “mësuese e gjuhës angleze për shkollën e mesme”.
Me ëndrrën që adoleshente për t’u bërë mësuese dhe me vazhdimin e studimeve të larta për gjuhë angleze, e nisi karrierën e saj akademike si mësuese e gjuhës angleze pranë gjimnazit “Partizani” në Tiranë në shtator të vitit 1993 për të vijuar më vonë në shkolla të tjera të Tiranës.
Dëshira dhe pasioni për profesionin e mësimdhënësit dhe aktulisht liderit të IA, e ka shtyrë që të jetë vazhdimisht në kontakt me të rejat më të fundit në arsim dhe të marr pjesë rregullisht dhe pa asnjë hezitim në trajnime të ndryshme të zhvillimit profesional.
Me mbi 15 vite përvojë në mësimdhënie dhe mbi 10 vite si drejtuese, ka marrë pjësë si recensuese dhe vlerësuese tekstesh mësimore dhe edukative, ka përmbushur me korrektësi çdo detyrë dhe përgjegjësi që ka rrjedhur nga bashkëpunimi me MAS, DRAP, DPAP, ZVAT apo IA të ndryshme.
Për më shumë se 15 vjet anëtare e ELTA ( English Language Teachers of Albania) ku ka kryer trajnime të ndryshme dhe është pajisur me metoda dhe teknika bashkëkohore në mësimdhënie.
Pjesëmarrëse në konferenca të ndryshme brenda dhe jashtë vendit.
Aktive në komunitet dhe shoqëri, drejton sot një prej shkollave 9 vjecare të Tiranës, “Dhora Leka.”
Çertifikuar në vitin 2021 nga Shkolla e Drejtorëve dhe me një kurrikulum të pasur me trajnime dhe certifikime profesionale, #Klodiana thotë se çelësi i suksesit për drejtuesit në arsim është i njëjtë si ai që u mësojmë fëmijëve “Edukim i Vazhdueshëm”.
Gjithçka evolon me ritme të shpejta ndaj dhe mësuesit e drejtuesit duhet të jenë gjithë kohën me të nëjtin hap me ndryshimet, teknologjinë, zhvillimet dhe nevojat akademike, edukative, por edhe sociale të fëmijëve
Klodiana thotë se i ka ndodhur që të takojë si kolege ish-nxënëse “të saja”, të cilat e dashurojnë po aq shumë këtë profesion.
Mesazhi i Klodianës:
“Kur shoh këtë pasion që ato kanë për mësuesinë dhe fatin e madh që kemi për të lënë trashëgimi dijen dhe edukimin, kuptoj që e kam realizuar ëndrrën time të adoleshencës, por edhe misionin tim si mësuese në jetë.
